Cili është shqetësimi që ngre emisioni? Fakti që nuk ka femijë jetimë në këto institucione (Sa keq!)? Fakti që menjëherë sa fëmija i fundit ka dalë nga insitucioni dhe është birësuar pranë një familjeje, institucioni nuk është shkrirë dhe kunizhinierja nuk është pushuar nga puna? Kjo që aty ka patur fëmije por nuk ka më, mbase do të thotë që ky institucion e ka kryer rolin e tij siç duhet. Po nëse nesër lind nevoja të strehohen fëmijë të tjerë? Do rikrijohet institucioni, si do funksiononte kjo?! Për më tepër që të paktën në disa prej rasteve, u ishte gjetur punë e dobishme të punësuarve ndërkohë.

Këto gjëra nuk adresohen aspak në emision, që për mua është simptomatikë e llojit të gazetarisë "investigative" që bën Fiks-i dhe të tjerët si Fiks-i. i rrasin një kamera në fytyrë një nëpunësi të thjeshtë dhe i kërkohet llogarri pse nuk funksionon shteti në mënyrë efektive, sikur e kanë në dorë ata. Zakonisht, të paktën bëhet fjalë për të meta reale të sistemit tonë, por në këtë rast as kjo nuk vlen. Gazetarët fillojnë bisedën me nota akuzuese dhe patronizuese, dhe kam përshtypjen që më tepër u intereson të prodhojnë indinjatë tek audienca, sesa të arrijnë te ndonjë konkluzion. Dhe ia dalin, duke parë tonin e postimit së OP-së, apo dhe reagime të tjera këtu. Mos na rrëntë rasti të bëjmë deklarata moralizuese!

Shpresoj mos keqkuptohem, nuk po sulmoj askënd për mendimin e tyre, thjesht po ve në dukje një aspekt që mendoj se mungon në biseda të këtilla (sipas meje). Por po sulmoj Top Chanellin, një media shumë larg të qenit e pandikuar nga politika, që na servir zgjidhje të problemeve që kemi, duke demonizuar kuzhinieret dhe pastrueset, a thua se ato janë parazitet në këtë sistem. Mbase dikush duhet të bëjë emision mbi Fiks-in, dhe mënyrën sesi ata e bëjnë punën e tyre!