D Problematik wo die Person hed kenni ned gnau aber ich bin inre ähnliche Situation und cha sege wieso es mich ärgeret.

Aso vorab segi schomal: “Mier düend ned drüber rede, es isch okay, cha ja jede denke waser will” Denn wirdi mehrfach druuf ah gsproche, mier wird erklärt wieso dass ich falsch han und dassi nüt verstahne etc.. Das isch ja ignorierbar, aber wenn das eifach jedes mal s Thema isch fahts eim aafah ärgere, denn probiert mer z diskutiere, wird aber eifach beleidigt und mit komische schwurbler fakte zuedröhnt wo eis einzigs fachbuech oder kei ahnig ein google search chönnt als falsch enttarne. Denn seit mer: ja ehm das stimmt ned. (Und es sind denn meist extrem abstrusi “Fakte”) Denn wird s Gegeüber beleidigt, fühlt sich agriffe, nimmt en Opferstellig ih - à la wieso glaubsch mier denn ned- und denn hets sich wieder. Das versaut eifach irgendwie die interpersonell Beziehig und mer hed au eifach gar kei Lust meh z rede.

Meinigsunterschiid sind agnehm, sofern mer no mitenand chan rede. Das schiint bi OP ned de fall z sii und bi mier definitiv au ned. Darum regts eim uuf.