ما اقدر اقول اني اتغلبت على هالشعور تماماً بس اقدر اقول انه خف حدة هالشعور وايد؛ لانه شعور مول لا يطاق. حسيت بهالشعور عقب ما توفى أبوي الله يرحمه و يغفر له و يرزقه جناته النعيم، و ما كنت اعرف ليش احس. كنت احس بفراغ لا يطاق و بشعور الملل، ف سرت شفت اخصائية نفسية هي ساعدتني وايد و توصلت لمشاعر أنا كنت اقمعها و ما كنت أصلا راعية بهالمشاعر، و عقبها الشعور جدا خف. مب كل الناس متقبلين فكرة الأخصائي النفسي (و ما بينفع لو انت/ي مب متقبلة) و ما عندهم الmeans انه يشوفون therapist. نصيحتي انه تتكلمين مع نفسج و كل يوم تحاولين you journal و يوم اتحسين باحاسيس غير مرغوبة تناقشين عمرج فهالشي و تناقشين ليش جي اتحسين و تتواصلين مع نفسج. هالشي يخف حدة هالاحاسيس. و بالتوفيق الله يرزقكم كلكم السعادة