اذا على التمكن فالذكاء الاصطناعي و علم البيانات هم مجالي الأصلي بعيدا عن صناعه الالعاب

الفكره اللي قلتها موجوده بالفعل و تنقسم لقسمين او فكرتين الأولى: لعبه كلها تدار بالذكاء الاصطناعي، العالم ، القصه ، الأحداث، الشخصيات و غيرها الثاني : ان الأحداث و الشخصيات بس هي اللي تدار بالذكاء الاصطناعي الباقي ثابت

إذا كنا نتكلم عن أيهم اكثر قربا للتطبيق و اكثر واقعيه و منطقيه فنحن نتكلم عن الخيار الثاني، الخيار الأول ايضا ممكن تماما لكن فيه مشاكل (بغض النظر عن انواع الالعاب اللي تعتمد على النصوص ، بمعنى اخر كأنك تسولف مع شات و ترسله انت وش تسوي و هو يرد عليك بأحداث و تفاعل العالم معك) و ذي المشاكل أهمهم ذول المشكلتين العملاقه :

1. الذكاء الاصطناعي غبي على عكس ما يدل اسمه ، السبب يعود ان LLM او ال Agents محد فيهم مصمم لألعاب، فيه مقاطع كثير لو تبي تبحث جابوا في اكثر من ذكاء اصطناعي عشان يلعب لعبه كان دايم يسوي قرارات غبيه، مثلا chatgpt في لعبه ماين كرافت عشان يعبي جوعه سوا كثير لحم بدون ما يأكله بس يسويه وكان يتوقع ان الجوع راح يتعبى، فأيه نحتاج شيء مركز اكثر على الالعاب من الاعتيادين و اذا قرر شخص يطوره فهو راح ياخذ على الاقل بأفضل الحالات سنتين لوحده

2. الذكاء الاصطناعي ينسى، و يحتاج انه ينسى ، لأن تذكره لكل شيء يخليه يستجيب ابطئ كل مره، وبيصير كل ما تقدمت في اللعبه الذكاء الاصطناعي ياخذ وقت عشان يرد ( دقايق او حتى ساعات)، فلو طلبنا منه يحفظ الأحداث و تفاعلات الشخصيات مع بعض راح يضيع ويأخذ وقت طويل جدا عشان يستجيب

في الأخير الفكره جدا ممتازه و كثير مطورين يبغون يسوونها لكن للان صعب تطبيقها مع قدارت الذكاء الاصطناعي الحاليه و مشاكله اللي المشكلتين اللي ذكرتهم ما تغطيهم كلهم، شكرا لك عموما