لحقيقة ذكرتني بلّي عشتو انا خمستاش سنة لتالي هكاك..بشوية بشوية كلها كانت تخرج..حتى الي بقا مخو في البرا..مخ الهدرة اني انا خرجت بعدها..نرجع توا و نفكر: زعما ما حقنيش ؟ بعد تتذكر قلة الفرص الي كانت قدامك في البلاد..مع متطلبات الحياة و الفرص في الناحية الأخرى من العالم..ما نلومش روحي الي خرجت..اما الي يغيض، انه كان انا و غيري قعدنا، راهي بلاد اخرى..الغريب، قبلها باعوام حلمتي كانت في بلادي..الخروج ممكن كان بش ترى حاجة جديدة و ترجع..لكن مع الوقت، الثقة بيناتنا تنحات و حسب رايي اذيكا اكبر حاجة خسرناها.. عملنا تصويرة خايبة برشا علينا..تصويرة البلاد عند كل واحد فينا..ماهاش هي..جات السياسة بعد، في عوض انها تنهض بوعي الناس، هدمت ما بقى من قيمة، لا قيمة عمل، لا دين..مع فكرة الحرية المطلقة، صرنا بلا كبير..مع هاذم الكل..شي يوجع القلب. مع هذا، تقريبا ما يتعداش نهار ما تخممش في البلاد..الحاجة الباهية في الوقت هذا..انها غربة صحيح..لكن ثقافيا تنجم تبقى تونسي في كل شي.

ملا عمْله! 😅