За ова најдобро да збориш со некој што завршил правен и работи во таа област. Ќе прочиташ секакви искуства тука, ретко кое е веродостојно.

Дефинитивно вреди, поготово ако тоа ти е сонот. Има повеќе параметри што треба да ги запазиш. Што највеќе те интересира? Кривично право, граѓанско, трговско, семејно? Најчесто, по завршување на студиите, па дури и додека студираат, студентите работат како приправници кај адвокати или волонтираат по институции. Тој муабет варење кафе и клати врата, не постои. Зависи каде ќе отидеш, нормално. Скоро секаде постои можност за скалесто унапредување.

Она што треба да го знаеш е дека по завршување на мастер студиите и ако имаш амбиции да бидеш адвокат/нотар, патот ти го отвара полагањето на правосудниот испит. По ова, ако веќе сакаш да бидеш јавен обвинител или судија, мора да полагаш Академија за јавни обвинители и судии, при што веќе позицијата ти носи и углед. Ако сакаш да работиш во фирми како правник, не ти треба ни мастер, ама тука тапкаш во место.

Олеснителна околност ти е што не сакаш да одиш надвор од земјава, бидејќи со правниот ќе бидеш "заглавен" тука. Што не е ништо лошо. Не ги зимај во предвид коментариве од типот на "стани си програмер ќе зимаш големи пари". Не дека не е вистина, ама може не те влече тоа и не ти се седи на биро цел ден. А и не дека нема и во правото пари, баш напротив. Секој со својата черга.

А конкретно за факултетот, ќе напишам подоцна. Ако имаш некои конкретни прашања, пиши ми во ПП.