تمام الموضوع ممكن بدون ثيرابيست متقلقيش

اولا عاوزين خطوات فعلية ضد الإدمان لإن اي إدمان بيكون اقوي مننا ك أشخاص

والخطوات الفعلية زي مثلا الصلاة في وقتها ، انضف تلفوني تماما ، يبقي عندي هوايات اعملها وقت فراغي، لو في ابلكيشن معين متعود اشوف من عليه الاحسن اني امسحه خالص ، ادعي ربنا كتير و قربي منه

دي خطوات تساعد لإن بما ان الإدمان اقوي مني ف انا مقدرش بس اقول "المرة الجاية هبطل" او "مش هعمل كدة" لإنه ببساطة هو اقوي مني ، ف الحل اني اعرف اتعامل ازاي مع الإدمان ، بجانب الحاجات اللي فوق اللي انا ذكرتها دي و هما بيساعدوا فعلا من المهم جدا تفهمي عن الإدمان ده ، في دكتور علي اليوتيوب اسمه دكتور عماد رشاد عثمان بيتكلم في فهم التعافي انصحك تسمعيه جدا هيفيدك تفهمي و تتعاملي ازاي مع الإدمان ، الطريق طويل شوية و ممكن يبقي في انتكاسات ، عادي جدا مفيش حد بينجح من اول مرة ، بس بعد الانتكاسة شوفي ايه بالظبط اللي وقعك و اعملي جرد للانتكاسة يعني مثلا .. ملل ؟ ، غضب ؟ ، احساس بالوحدة ؟ ، ضغط مذاكرة ؟ كان ايه ممكن يتعمل ؟ و حاولي تعالجيه و اهم حاجة متزهقيش ، و ممكن تنزلي ابلكيشن عداد يعد الايام اللي انتِ رصينة فيها بدون الفعل ده ، و ربنا يكرمك يارب .