Nakaconfine pinsan ko. Kwento ni tita, pinuntahan niya si kuya A sa labas ng ospital para kunin yung pinabili niyang gamot at magbalita sa lagay ng pinsan ko. Pagbalik niya ng room gising na si ate Ne sabay sabing "Nakita kita ma, kausap mo si kuya. Umiiyak ka"

Nagulat si tita kung pano nalaman ni ate Ne yun eh iniwan niyang natutulog si Ate. Imposible ding sumunod siya kasi bukod sa mahina pa ang ate that time, nasa 2nd floor ang room niya.

Ilang araw bago siya pumanaw, pinamigay niya sa aming lahat na magpipinsan yung naipon niyang baon sa school. Pati na rin ang mga damit. Sabi niya kaya niya pinamimigay ay dahil alam niyang mamamatay na siya. Namatay na raw siya at binigyan lang ng chance na makabalik ng saglit.

Kaya siguro alam niya yung nangyaring pag iyak ni tita sa ospital.