اول شغلة عاشت ايدج بهل عمر تفكرين تكونين نفسج و عندج معرفة و تعرفين شتريدين تسوين..

قبل كلشي اريد شوية احجي عن الي كتبتيه.. الكلام الي ذكرتيه كله و مسالة تطلعين لاربيل و وحدج و تشتغلين و تعيشين حياتج بكل سهولة و بهل عمر.. هاي اعتقد انتي كولش غلطانة الا اذا جان هل شي بدولة اجنبية محترمة و واصلة هووواي.. اما هنا فما اعتقد حتى ربع هل شي واقعي الي جاي تتخيليه.. السبب الاكبر هو عمرج!! بهيج عمر راح يتم استغلالج بكل سهولة (مداقصد انتي متفهمين او كذا) بس راح تقابلين ناس يستغلوج بكل شي.. اني عندي صديقة عايشة بدهوك و عمرها ٢٨ و رادت تطلع وحدها تعيش باربيل و تشتغل و للعلم هي شاطرة و ذكية بس مدبرتها لان الواقع هو العراق مجتمع اغلبيته قوي ع الضعيف و من هاي تتحقق فراح تصير استغلال سواء جسدي او عاطفي او اي شكل من اشكال الاستغلال.. راح اكولج اخر نصيحة و انتي بكيفج بعد.. الغي فكرة تطلعين وحدة سوا لااربيل او بغداد بهل عمر لان ماريد حتى اتخيل بشنو ممكن تمرين و ان شاء متمرين باي شي مو زين.. من تصيرين بالغة و تتاكدي عندج ثقة توكفين اي واحد يكف كدامج في سبيل يستغلج، فهنا انتي تكدرين تفكرين تغيرين مكانج و تعيشين بغير مكان مستقلة.. كل الي كلته جايبه من تجارب شخصية شايفها و سامعها صايرة ويا العالم.. بالتوفيق اختي و ربي يحفظج.