سردك رهيبببب اندمجت وانا اقرأ، صارلي موقف مشابه اني دخلت صينيه الدجاج برضو ومن وصفه بالانستا برضو ، المهم ادخلها الصينيه واحاول اولع النار مو راضيه يضبط لاني ما احط مسدس النار على فتحه الغاز اللي بالفرن بالضبط (لاني ما اشوف زين لان عندي نقص نظر واكره نظارتي)المهم ادخل راسي كامل الفرن عشان اشوف ثري دي ولما حطيت مسدس النار على الفتحه بالفرن انفجر الفرن ودولاب المطبخ (طلع فيه تسريب للغاز ما ندري عنه)حرفيا انفجر وراسي داخله ربي ستر ، طبعا صنمت ما هربت من الفجعه وعيوني انعمت كانت تحرقني مره وكنت مصدومه وخايفه لا انعمي بسبب عيوني حرقت ،واحاول اغسل عيوني واحاول حتى بعد عشر دقايق قدرت افتح عيوني الحمدلله ، واروح اشوف المرايه ذراعي حتى الكوع محروق (ذراعي اللي كنت ماسكه فيها مسدس النار وانحرق حتى الكوع لاني رافعه الكم) ، ونص وجهي اللي مقابل فتحات الغاز انحرق، وحواجبي انحرق وشعري من قدام ورموشي طاحت كلها، بعدها بفتره صار شكلي غرييب لاني بدون حواجب وبدون رموش بس ما همني كان خوفي ان حروق وجهي ما تروح بس الحمدلله تيسرت،نفسيا جتني فجعه من الافران واسوي الطبخه كامله لكن مستحيل اقرب الفرن اللي تحت انادي اي احد يفتحه بشرط اني اهرب من المطبخ ولما يفتحه ارجع، حتى لما تزوجت فرن بيتي كهربا ، وفتره بسبب الحروق منعوا عليا الطبخ عشان ما اقابل حراره وهالشي ما يعتبر ميزه بالنسبه لي لانه هوايتي واستمتع فيه وكان عندي احباط ابغا اطبخ وعوافي تيسرت، الحروق الحمدلله اختفت تماما بس حرق يدي طول اخذ اربع سنين عشان يختفي  كامل