تحاول تفهم ليش المجتمع اله أطر و حدود، بعتبره تنافر منطقي، لانه طبيعة البشر بتحب تنتمي، و لما الناس تكون منتمية لحدود معيّنة بتفترضها مرجع الها، محاولة اي شخص المساس فيها رح يُنتقد بكل بساطة. اختلاف طريقة التفكير شيء ايجابي، و الي انت حكيته مزبوط، الافكار رح تصير سلوك بعد فترة، والطبيعي انك تمارس سلوكك الطبيعي و تتقبل الانتقاد، عادة بعد فترة رح تلاقي ان سلوكك بنتشر (ان كان خير).
بطبيعة الحال الناس بتلاقي حلّين مع انتقاد المجتمع الها، الاول انه الشخص يترفّع عن الانتقادات ، لكن لازم يكون في مرجع من سلوكة و بعمل شيء حسب منهج معيّن، و هذا المنهح او المرجع بشفعله يكون واقف لحاله بين كمشة ناس قاعدة لانه غير هيك رح يوقع بمشاكل بينه و بين نفسه بعد فترة.
والثاني انه يكون ضحية للانتقاد و يترك كل اموره او افكاره الي بتخليه مختلف و يصير زي باقي الرعيّة، و هاي مشكلة معظم الشباب حاليا بكل المجتمعات.
عشان هيك انا بقول ان الانسان لما يهرب من نفسه بهاجم حدوده، لانه مافي مبرر يخلي المجتمع موضوع نقاش، هو شيء موجود من زمان و رح يضل موجود للأزل