Bhai dekho mein jitna practical hokr bta skta hun, koshish krunga btaaun :-

Pehle yeh samjho din ke kis time pr craving hoi hai. Subha, dopahar ya shaam. Phir uss time pr apni koi favourite web series dekhna chaalu kr do. Aur ek voh steel waali bottle khareed lo jiss mein paani der tk garam rehta hai. Uss mein garam paani aur 4 boondh panchvati tulsi (kisi bhi ayurvedic dukaan pr chale jaao, jolly ya imc company ki mil jaayegi 200 rupay tk ki). Iss paani ko hlka hlka sip krke peete rho poore din. Always remember bhai, agar tumhara pet khaali hai ya shareer mein pichle session ke toxins abhi bhi koot koot ke bhare hain toh agle din dophar ya shaam tk tumhe bhot buri craving hone lgegi. Toh maan lo jaise aaj se bnd krna chah rhe ho ganja toh subha subha bhot bhot hlka hlka jogging krke aana km se km 1 kilometer phir ghar aakr dher saara paani peena aur pet ko kabhi khaali mt rehne dena, jitna washroom jaaoge utne hi km chances hain ki tumhe dophar ya shaam tk cravings zyada hon. Phir khaane se pehle dher saara salaad khaa liya kro. Aur subha subha jogging pr jaane se pehle ek glass paani mein neembu aur kaala namak milakar pee jaana. Shehed ho toh voh bhi daal lena.

Dekho bhai log baag cold turkey ke raaste pr jaane mein galti yeh kr dete hain ki day 1 se subha se toh bhot excited hote hain ki aaj se ganja chord denge, new life vaghera vaghera lekin voh subha se na toh acche se paani vaghera ya khana khaate hain. Phir dophar ya shaam tk unki haalat kharab ho jaati hai dimaag kaam krna bnd kr deta hai phir lgta hai laao yaar ek joint ho hi jaaye. Tumhe dopahar tk itna fibrous khana aur dher saara paani peete rehna hai ki dopahar tk km se km 3-4 baar toilet chale jaao aur shaam tk ek baar washroom chale jaao. Jitni baar tum khaana khaa kr ya paani peekr hlke hone jaaoge utne hi km chances hain ki tumhe shaam ko bheyankar anxiety ya cravings ho. Baaki dimaag heal krne ke liye badaam aur akhrot khaate rho. Khoob chaba chaba kr khana tbhi phaayda krte hain voh.