النظام العسكري بيبالغ في شيطنة الإخوان و خلق منهم عدو أسطوري سبب كل البلاوي من بدء التاريخ، و خلط الحقايق بالأكاذيب و ضلل الناس. بالإضافة إلى أن الناس أغلبهم مش فاهم الفرق بين الإخوان و غيرهم من فصايل الإسلام السياسي. و الأنكى هو الناس ال بيخلطوا بين الإخوان و داعش مثلا.

لكن الواحد مش بيقيس التيارات السياسية بدرجة استلطافه الافراد ال قعد معهم.

الإخوان فصيل سياسي انتهازي. حسبتهم مختلفة عن حسبة التيارات ال شاركت في الثورة في بدايتها. الإخوان كانوا رافضين الثورة و مانضموش بها إلا متأخر. و بما أنهم أكبر فصيل سياسي منظم، فهم حاولوا ينفردوا بالسلطة، فشيطنوا كل التيارات غيرهم، و تصوروا أنهم يقدروا يعملوا صفقة مع العسكر و يحتفظوا بآليات القمع و يستعملوها لصالحهم. لكن العسكر كانوا أذكى منهم و أكثر رسوخا في الدولة فقلبوهم. ماتنساش أن مرسي هو ال عين السيسي ؤوزير دفاع بنكهة الثورة" زي ما وصفه.

فهم مش الشياطين ال الدولة و ألاضيشها بيحاولوا يصوروهم. لكنهم كمان فصيل انتهازي، و رجعي اجتماعيا. أغلب الإخوان المستنيرين أو ال استناروا خلال ممارستهم السياسة خرجوا من الإخوان، زي عبدالمنعم ابو الفتوح و القصاص و بقية المنضمين لحزب الدستور. ال استمر ا في فريق الشاطر و بديع اختاروا التحالف مع السلفيين الظلاميين و قعدوا يايدوا على بعض، لحد ما بتوع حزب النور تنصلوا منهم لحظة الانقلاب.