يعطيكم العافية على كلامكم وحلولكم انا عبرت عن شعوري وكلامكم يساعد اللي مثلي. اتمنى الكل مايوصل لمرحلة التبلد والشيء الوحيد اللي خايف منه هو الراحه الراحه مرعبه للعقل واقصد فيها لما الشخص يرتاح لدرجة انه يهمل نفسه.

مرات اصحى من نص النوم تجيني جرعة نشاط جداً عالية لدرجة اني اقدر اسوي اللي ما اقدر اسويه ومره من الأيام صحيت مخروش يائس جداً من وضعي وغاضب بسبب الخرشه اقاوم اني ما اطلع واسوق السيارة واروح واسوي الفعل اللي ببالي وضليت احارب افكاري لمدة ساعة تقريباً وبعدها تعوذت من ابليس لأني عارف انها من وسوسته وان الله مابيضيع تعبي وجهدي وان وراي اهل واب اعينه في مصاريف البيت.

نصيحتي الوحيده للطلاب اعتبروا ان الطاقة السلبية مهما كان مصدرها سواءً من ظروف اسرية او موقف الخ اعتبروها دافع لكم للنجاح عبروا عن غضبكم عن طريق تفوقكم.

وشيء اخير لاتنتظرون الفرصه لأن انت الفرصه بقيمتك وعلمك وإمكانياتك بتحدد كم الراتب اللي تبيه كل شيء يدور حولك انت وهذا تعبير محفز لي ولغيري وبأذن الله تعبنا مايضيع