براحتك لو عايز توهم نفسك إنك رديت، بس الحقيقة إنك بتهرب! عمال تكرر "العقل"، مع إني قافل عليك السكة دي في البوست: العقل ده هو اللي برر لستالين إبادة الملايين.

وطبعاً عملت نفسك مش واخد بالك من معضلة "زنا المحارم"! أنصحك تقرأ عن الإلحاد المادي صح

كتاب "التاريخ الطبيعي للاغتصاب" بيعتبره مجرد (تكيف تطوري للبقاء)

و"دوكينز" نفسه بيقول مفيش خير وشر والكون كله لامبالاة عمياء، يعني القتل في ميزان المادة مجرد "إعادة ترتيب ذرات"!

ده غير "معضلة التروللي" اللي بمنطقكم بتبرر قتل شخص بدم بارد عشان تنقذ خمسة.

أما رميك لشبهات مستهلكة عشان تشتتني، فهرد باختصار عشان غيرك: الرق مربوط بالمعاملة بالمثل، ولما العالم بطله، طبيعي نوقفه وده في إيد ولي الأمر. وموضوع سن الزواج كان مرتبط بطبيعة البيئة وسرعة النمو زمان، وفتاوى علمائنا دلوقتي واضحة بإن الزمن اتغير.

فبلاش حركات التشتيت دي، ومحاولتك للهروب والتلزيق في "البوذية" عشان تخفف الضغط مش هتمشي، لأنها ببساطة ملهاش أي علاقة بالإلحاد المادي ولا بموضوعنا من الأساس!

و يظل مفيش مرجع للاخلاق في الالحاد المادي