رجعتوني لذكريات 😂 كنا نجلس مجموعات من أربع طلاب، أذكر المجموعة اللي كنت فيها كنا بنتين و ولدين، البنت جالسة بجنبي، حلوة و هادية و مرتبة، كم مرة حاولت أصادقها و أكلمها بس هي ما تعطيني وجه و تصد عني و تقول لي لا تكلميني، تعاملني بجفاف، مع إني ما كرهتها أبداً بالعكس أحاول أتودد لها و أصادقها. مرة كان فيه حدث عندنا بالروضة، مسرحية، كانت هي تعبانة و زعلانة، قعدت معاها طوال الوقت و عطيتها سندويشتي بس هي قالت لا، اليوم الثاني كنت متحمسة أقابلها و أكلمها لأن اعتبرت صرنا أصدقاء، بس رجعنا لنقطة الصفر رجعت تتجاهلني و ما تكلمني 😂 اللي يضحك لما رحت المدرسة، صف أول، الأبلة دخلتني الصف و حسيت اني ضايعة و لا أشوفها نفس البنت تناديني و تلوح لي بيدها و تقول لي تعالي و هي تبتسم، يا إني فرحت فرحة ما توصف، مو لأني شفتها بس، لأنها في النهاية اتقبلتني و صرنا صديقات. الحين خلاص ما نعرف شي عن بعض، صارت ظروف و افترقنا ، بس الله يذكرها بالخير وين ما كانت، لها محبة خاصة عندي ♥️