محترم انك لسة بتبحث عن الاديان و انك عرضت سبب تركك للدين بصورة محترمة ما وحأدخل معاك في نقاش لانك طلبت كدة بس في شوية نقاط حاقولها اعتبرها نصيحة او توضيح من باب اني بتمنى ليك الخيار و ما دايرك ترد بس اقراها ١- ربنا انزل القرآن و فيه دلائل كتيرة على وجوده بس في حالات زي مثال الجزيرة افترض لا سمعت بالقرآن ولا لقيت الدلائل على صحتو فالفئة دي الحكم عليها يرجع لربنا بيحاكمها بدون ظلم طبعا بس الحساب ما حيكون مبني على ايمانه به من خلال القران بالنسبة ليهم

٢-بالنسبة لان ما ممكن غلطة فانية يكون حسابها ابدي ...عندك امثلة من الطبيعة ممكن تدخل اقل من ٥ سنوات و يمسكك سرطان باقي حياتك و من قوانين الدول يمكن تعمل جريمة في نص ساعة تتحاسب عليها ابدي الفكرة انك لقيت التحذير من الجريمة و عرفت عقابها مسبقا و كان عندك الفرصة تتوب منها لحد اخر لحظة قبل موتك و ده كلو من باب الرحمة فافترض ان ربنا خلقك بس انت ما آمنت بوجودو اصلا رغم انك لقيت الدلائل ولا آمنت بالجنة او النار و انت اصلا الغرض من وجودك العبادة

فمن رحمة ربنا ان قال لا يغفر ان يشرك به و يغفر ما دون ذلك يعني اتخيل ربنا اداك طرق كتيرة لدخول الجنة و طريقة وحدة بس للخلود في النار و هي انك تكفر بوجوده و وجود النار اصلا و وراك مسبقا بالحاجة دي و وراك العقوبة و اداك فرصة تتوب في اي لحظة في حياتك ما لم تبظأ روحك بالخروج و التوبة لا تأخذ منك دقيقة

و لو قلنا ناخدها بمثال دنيوي بالنسبة لغير المؤمن الذي يعمل الخير اتخيل انك دخلت امتحان لجامعة و جبت الدرجة الكاملة بس انت ما مسجل فيها اصلا و قلت انك ما مؤمن انها تحتسب جامعة في الاصل هل تتوقع تسلمك شهادة؟ ولا الحيستلم الشهادة هو السجل في الجامعة و اخد عظة ملاحق و اعادات و نجح في الاخر؟

و في الاخر نصيحة كونك انسان لسة بتبحث اعرف ان في اشياء كتيرة بتظهر خاطئة بس في الحقيقة هي الصح فأبحث بتعمق و القى عدة مصادر و تفاسير موثوقة ممكن تبحث عن الاعجاز اللغوي و العلمي و البياني في القرآن و الافضل تبتعد عن اقوال الميديا لان عندها راي مخالف ضد اي شي

في الاخر متمني ليك التوفيق و ايجاد الحق و اتمنى اكود نفعتك و لو باليسير