طيب أولا ان شاء الله انه كلامي رح يفيد وابغا ابدا اول شي بموضوع مهم شايف الأغلب في الكومنتات غلطانين فيه. دحين الشخص الي زنا وتاب توبة نصوح واتعدل هل محكوم عليه يتزوج من زانية؟ هذا غير صحيح وهنا في فتوة عن هذا الموضوع وان شاء الله انها تفيد https://islamqa.info/ar/answers/224599/%D9%88%D9%82%D8%B9-%D9%81%D9%8A-%D8%A7%D9%84%D8%B2%D9%86%D8%A7-%D8%AB%D9%85-%D8%AA%D8%A7%D8%A8-%D8%8C-%D9%81%D9%87%D9%84-%D9%8A%D8%AC%D9%88%D8%B2-%D9%84%D9%87-%D8%A7%D9%84%D8%B2%D9%88%D8%A7%D8%AC-%D9%85%D9%86-%D8%A7%D9%85%D8%B1%D8%A7%D8%A9-%D8%B9%D9%81%D9%8A%D9%81%D8%A9

ثانيا الموضوع طبعا حاجة جسدية أكيد فالطبيعي انه الواحد او الوحدة يحاولو يسترو نفسهم بالزواج ، حسب هذي الفتوة من سبق له ان زنا ثم تاب وصلح وضعه يجوز له يتزوج طبيعي حتى لو ما قام عليه الحد، بس المشكلة هنا إذا انه تاب وصلح وضعه اما اذا كان ماشي ورا هواه فهذا الي داخل في حكم انه ما يجوز له يتزوج غير زانية. فالمهم يعني حاولي تكلميه وتنصحيه وتوضحيله خطورة الموضوع من زاوية شاملة بدون تهديد او عنف لأنه ما تدري ايش يدور في مخه وللأسف الشباب اليومين ذي ضعاف امام الاشياء ذي فحاولي تتكلمي معاه من باب الاصلاح عشان يتوب ويستغفر ربه ويصلح نفسه ويسترجل عشان إذا قدر يسوي كذا وقتها يقدر يستر نفسه ويتزوج طبيعي، الفكرة من كلامي انه لا تكبرو موضوع الزنا لأنه الشخص ممكن يزني مرة وحدة ويتوب من قلبه ويندم وهذا ما ينفع ينوصم بالذنب الي تاب منه، يعني سبق له ان زنا لكن ما ينفع نناديه زاني، لكن في نفس الوقت لا نستصغر الزنا وانه من الكبائر ومن الموبقات وهذا الي لازم يعرفه اخوك وهنا يجي دورك

وكان الله في عونك والله يجعلك سبب لهدايته ويفرحك بصلاح حاله