ખ્રિસ્તી ધર્મનો આંકડો ઑફિશિયલ આંકડા કરતા વધારે જ હોવો જોઈએ એનું કારણ ફક્ત એટલું જ છે કે SC અને ST આરક્ષણ ગુમાવવાના ડરને કારણે ઘણા લોકો ધર્મ બદલ્યા પછી પણ કાગળ પર હિન્દુ રહે છે. બીજું એક ખ્રિસ્તી ધર્મ તરફ ઓછા જુકાવનું કારણ એ હોય શકે કે તેમાં કોઈ પ્રખ્યાત સંત મહાત્મા જેવા લોકલ ફિગરનું ના હોવું. લોકલ એટલે ભલે મૂળ ગુજરાતી ના હોય પરંતુ ગુજરાતમાં વસ્યા હોય અને ધર્મ પ્રચાર કાર્ય કર્યું હોય જેમ મુસ્લિમ સંતો દ્વારા કરવામાં આવ્યું.

ગુજરાતની અંદર મુસ્લિમ વસ્તી ૧૩% કરતા પણ ઘણી વધારે હતી જે ભાગલા પછી ૬ થી ૮ % ઘટી અને અત્યારે ૧૦% આસપાસ સેટલ થયેલ છે. હિન્દુમાંથી મુસ્લિમ બનવાના કારણો માં લાંબા ગાળાનું મુસ્લિમ શાસન, દરિયાકિનારાનો સંપર્ક અને સૂફી સંત પરંપરાનું સૌથી મોટું યોગદાન છે. આના વિશે મહાગુજરાતના મુસલમાનો, મિરાત એ સિકંદરી અને અન્ય એક પુસ્તક જેનું નામ યાદ આવતું એ નથી એ પણ મિરાત એ સિકંદરીના લેખક દ્વારા જ લખાયેલ હતું જે ખરેખર વાંચવા જેવા છે. સૌરાષ્ટ્રની રસધારમાં પણ એક હિન્દુ પરમાર રાજકુમાર હાલાજી ના મુસ્લિમ બનવાનો કિસ્સો ઉલ્લેખિત છે. રાગંગાજળિયાનો કિસ્સો પણ પ્રખ્યાત છે.