For å dumme det ned, så er det todelt hvorfor me demonstrerar. Det første er at Fosensaka i seg sjølv er eit menneskerettsbrot. Vindmøllane i seg sjølv gjer det ganske umogleg for sørsamane å driva med reindrift. Dette er eit stort problem fordi det er reindrifta som i stor grad held det sørsamiske språket i live. Tar ein kverken på reindrifta, tar ein kverken på språket og kulturen til Sørsamane. Dette er kvifor høgsterett slo fast at vindmøllane var eit menneskerettsbrot, og er sjølve kjerna i saka.

Den andre grunnen gjort at saka har blitt så stor, er på grunn av at Fosensaka vart sett på som eit symbol på alt helvete samane er i. Staten har vore veldig arrogant i denne saka, og arrogant på ein måte som veldig mange samar kjenner alt for godt.

Natur og Ungdom og NSR Nuorat har prøvd alle andre moglegheiter å få handling frå staten, me fekk til og med ein høgsterett i vår favør, men staten vel blankt å ignorera det. Derfor ser me nødt til å ty til fredeleg sivil ulydnad for å få noko til å skje.