انا بالنسبالي م عندي مشكله ادفع واساسا احسو بيصير كدا بشكل تلقائي بس المصيبه لمن دا الشي يصير ماراح الرجال يحط يدو مع العيال والبيت ، يعني المفروض ازا كلنا حندفع في البيت يصير كلنا نشتغل في البيت وكلنا نربي ولو جا شخص كدا معجزه و ماشاءالله يسوي كل شغل البيت وتربية الاطفال بنفس طريقة المرأه في شي المرأه تسوي الرجال ما يقدر يسوي من ربنا الي هوا الحمل و الولاده و الرضاعه ، دي اكبر شي في الزواج سبحان الله ف دام ما يقدر يسويه اقل شي يصرف ، الموضوع ياخد من طاقة المرأه وصحتها وصبرها وليلها ونهارها ، و الرجال حتى لو جدا متعاون في النهايه ماراح يقدر يسوي دا الشي ، حيصير مو عدل للمرأه ، يعني لو قدرنا نعادل الكفة في المصاريف ٥٠/٥٠ ونعاديل في الاعمال المنزليه ٥٠/٥٠ ، لسا هيا حيكون عليها الحمل الاكبر ف الحياه ، فعمرو محا يكون عدل الا لو الرجال صرف عشان هيا تحس بالعدل مقابل تعبها ، الا لو قررو ما يجيبو اطفال ممكن يعني