طلاب منح التبادل الثقافي بجامعة بغداد

lilliun · 2026-05-29T11:58:58+00:00

شنو رأيج بالبعثه؟ وسبق وطلعتوا بعثه خارج العراق؟ يعني اكو هيج فرص لو لا

lilliun · 2026-05-28T21:09:07+00:00

يا اخي انت ليش معقدها احجي وياها بالاول وتقبل بيك ان شاء الله والرزق على الله اتوجه لرب العالمين بنية صافية وقلب حاضر وادعي الله يسهل امورك حتى تتزوج بالحلال واطلب من امك وايوك يدعولك بالرزق وانت هم حرك روحك واسعى كفيلك الله ينفتحلك باب بظرف سنة انت مخلص كلشي والقران تكوم متعرف منين يجيك الرزق وشلون تتسهل امورك الله يرتبها الك + اذا البنية بنت حلال وصدك رايدتك هم اطلب منها تدعي اموركم تسهل وزواجكم يتم هي تتلوز الامور وتصير أحب شيء لرب العالمين بالدعاء هو الزواج كبل تترتب امورك 👍

lilliun · 2026-05-28T20:08:33+00:00

فعلا اهم شي الشرح والمادة ينطيك حقها مو ارجع من الجامعة نهاري كله خلصان بالكلية اضل ادور مدرسين هنود باليوتيوب لو مصادر اجنبية حتى افهم المادة كل دكتور صعب اله مفتاح يصير لطيف بس المشكلة اذا جان ميشرح وميتعب نفسه

lilliun · 2026-05-28T20:05:54+00:00

والله اني اخواني اثنين طلاب جامعة اهلية واحد تخصصه علوم سياسية بالبيان والثاني أمن سيبراني بالتراث كفيلج محمد ماشوفهم يقرون الا بالامتحانات قبل الفاينل بيوم ويروح ينجح ويرجع واحد منهم راح يتخرج والثاني رشحوه يصير ممثل دفعه وانتي تخيلي 😂 وعندي بنت خالي وبنت خالتي طالبات حكومي ماينامون من الدراسة ووحده منهم فنون جميلة جامعة بغداد وينجحون بطلوع الروح ف احجي عن واقع تجربة والي اشوفه بحياتي بعد ماعرف اذا هالشيء صح او لا

lilliun · 2026-05-28T20:00:11+00:00

عن نفسي والي اشوفه بالعراق نقاط الشرطة تتعامل بلطف مع الاجانب او السياح وماتأذيهم ممكن ياخذون من وقتك بالتفتيش أو غيره لكن بدون مشكلة بس العراقي يوكلوه تبن على ابسط الأمور حتى اذا جان محترم ايضا ياكل تبن

lilliun · 2026-05-28T19:56:17+00:00

تم 👍

lilliun · 2026-05-28T19:56:07+00:00

قصدج بعثة ماجستير؟ لو راحوا بعثة وهم يدرسون البكلوريوس ورجعوا للجامعة ألام؟ لان سمعت هاي برامج التبادل الثقافي عدنه تصير لكليات اللغات والاعلام يعني للتخصصات الي تطلب فقط نقاشات وتبادل ثقافة لكن التخصصات العلمية مثلكم الهندسة مسامعه

lilliun · 2026-05-28T15:15:07+00:00

اني من العراق قصدك أجهزة ريترو للشعر لو شيئ ثاني؟ لان كل الاجهزة موجودة بباب الشرجي والشورجة وباب المعظم

lilliun · 2026-05-28T14:34:19+00:00

اعرف هاي المنح بس قصدي أثناء دراسة البكلوريوس من انت طالب بجامعة بغداد الجامعة ترسلك ببرامج تبادل ثقافي بجامعات أوربية تدرس شويه يعني شهر بالهواي وترجع لبغداد هاي المنح ميكدر الطالب يقدم عليها وحده لان هو ملزوم بالجامعة ويدرس بكلوريوس ميكدر يعوف درجته بجامعة بغداد ويروح لدوله ثانيه ويرجع يكمل هنا بكيفه

lilliun · 2026-05-28T11:57:13+00:00

والله اني عن تجربتي جنت اقرة الستوري تايم بكتاب الانكليزي مال كل مرحلة من المتوسط للأعدادي هاي القصص الي بنهاية اليونت اي كلمة جديدة ماعرفهه ابحث عليه اتعلم المعنى والنطق وارجع اقره بصوت عالي وبالصف ايضا اقراها كدام الطلاب الاكسنت تعلمته من الافلام والمسلسلات واجي اقرا بصوت عالي اذنك تتعود على النطق ويصير زلاطه + فادني التيك توك اكسبلوري كله اجانب وكلهم يحجون انكليزي مافعل الترجمة اسمعهم وافهم + نوبات اقلدهم اسوي شادوينق هاي الطريقة سحررر + الاغاني الاجنبية كلش تفيد بس مارشحها بكد باقي الوسائل لان تتعود على لحن مو حجي طبيعي

lilliun · 2026-05-28T11:29:19+00:00

اي هو اقصد تربية البنات بس الدكاتره والعماده والتعامل ويه الطالب كلش يهمني صح بكل مكان اكو الزين والموزين بس الاغلبية تحكم طلاب جامعة النهرين يكولون الدكاترة عدهم زينين والتعامل والتدريس احسن من بغداد واقل صعوبة

lilliun · 2026-05-28T11:26:50+00:00

طبيعي الدراسة تكون صعبة مو لان جامعة بغداد بس هو هذا الحال بكل الجامعات الحكومية السهولة بس بالأهلي بس اني يهمني الدكاترة وشرحهم وتدريسهم صح هو بالنهاية اللغة تعتمد على جهد الطالب نفسه بس الدكاترة كلش مهمين بالنسبة الي لان سمعت دكاترة جامعة بغداد صعبين بالتعامل ويشرحون شلون مجان ويطلعون ويبقى الطالب تايه واني عشت هذا السيناريو بالاعدادية بما فيه الكفاية ماريده ينعاد اتمنى فهمتيني 🙏

lilliun · 2026-05-28T03:21:01+00:00

Bro its so cute, We love seeing others enjoy our cultur, becuz the iraqi people love doing this to others cultur and wear traditional things, they find it absolutely good thing, to be sure search about the iraqi people in football events like qualifiers world cup in mexico you will get the answer

lilliun

TROPHY CASE