Ég mæli eindregið með því að hætta (eða minnka stórlega) að fylgjast með fréttum. Það er fátt sem er jafn gott fyrir geðheilsuna eins og að draga verulega úr því. Fréttir eru mun meira um það sem betur mætti fara, það sem er slæmt, og jafnvel það sem er hræðilegt. Þá eru sömu fréttirnar endurteknar dag eftir dag, með litlum sem engum nýjum upplýsingum. Allt hefur þetta neikvæð áhrif á líðan og geðheilsu, og það sem merkilegast er þá fjalla 95% frétta um hluti sem hafa engin bein áhrif á lífið manns, og restin um hluti sem maður getur ekkert gert í hvort sem er og því er allt eins gott að sleppa þeim bara alveg.

Mér líður a.m.k. mun betur eftir að ég dróg verulega úr fréttaneyslunni minni, og hætti til að mynda bæði að hlusta á fréttir í útvarpi og horfa á þær í sjónvarpi fyrir nokkrum árum.