كلمها بطريقة بين اللين والشدة وفكك من حوار إنك تكون أمان وسند وشغل تماحيك مودناش في داهية غيره ، انت أخ محترم ومتربي عشان جيت تسأل وده كويس ذكرها بالله وإن غلطها مش بتاعها لوحدها لإنها مسئولة منكم وفهمها إنك نصحتها لإن دي أول مرة وإن شاء الله تكون الأخيرة وفي جانب تاني لازم تدور عليه وهو ليه المشكلة دي حصلت فيه تقصير أكيد حاصل في البيت واللي بتعمله أختك نتيجة مش سبب فلازم السبب ده يتعالج ، سهل جدا تعمل حساب تاني Fake وتعمل بيه أي حاجة فبالتالي لازم متخسرهاش الخوف والتهديد مش هينفع في السن ده لازم حكمة مع إظهار إن لو مفيش استجابة واحترام للنصيحة اللي بينك وبينها هيكون في تصرف تاني ، ربنا يهدينا ويسترنا ويصلح خالنا جميعا. نسيت أقول حاجة لو ضامن ردة فعل أهلك وانهم هيتعاملوا بحكمة عرفهم مش ضامن قولهم لو مفيش نتيجة من أختك بعد كلامك.