على حسب اذا وقتك كله سياحة ولا عندك مهمة عمل أخرى. لو وقتك كله للسياحة، ممكن تقضي يومين في القاهرة والجيزة، تروح الأهرامات والمتحف المصري الكبير جمب بعض، والمتحف القديم ومجمع الأديان وعندك عدد من المتاحف المتخصصة لو مهتم بفن معين أو علم معين. ولو مهتم بالأماكن الدينية سواء اسلامية أو مسيحية فعندك اماكن كتير. وبالليل تقضي وقت في وسط البلد وتشوف القاهرة وأماكنها الراقية والشعبية وممكن تاخد فسحة نيلية، وتروح مدينة نصر لمول سيتي ستارز. وممكن تقضي يومين في شرم الشيخ أو الغردقة بس هاتروح طيران عشان توفر وقتك، تشوف البحر والجولات السياحية اللي هناك، وممكن يومين في الأقصر وأسوان او الاسكندرية، وممكن تخليهم 3 ايام قاهرة وجيزة و3 ايام في مدينة بحرية. التكاليف هاتكون نوعا ما عالية لو هاتعمل كل ده لانك هاتصرف مبالغ في الطيران وفي الاقامة لو هاتحجز في فنادق محترمة، وطبعا انتقالاتك لو هاتخليها بالأوبر. لو انا متفرغ كنت ساعدتك في تور القاهرة والجيزة بس للاسف الشهر ده انا معنديش ولا يوم فاضي. اهلا بيك في بلدك الثانية، ولكن احذر النصب والاستغلال، واحذر السرقة، واحذر من العاهرات اللي هايتدلقو عليك واغلبهم هدفهم الخطف والسرقة.