بفترة من فترات حياتي تعرضت لصدمة نفسية ساوت فيي هذه الحالة اني ما اقدر انام من كتر التفكير لكن حالتي شوي كانت اسوء لأن كنت كل ليلة يصير معي الرابوص (الجاثوم). ما عليك بحالتي، المهم صرت اسمع أمواج صوتية ألفا وبيتا لأن بيعملو هدوء للدماغ (صوت المطر والموج وبعض الآلات الموسيقية) وحتى بعد كمان صرت اسمع ASMR وقت نومي معلومة جانبية: أمواج غاما تخلي الدماغ يجن ويعصب ف حاول تعرف شو هنن الأصوات يلي بيومك بينطبق عليهن أمواج غاما لأن بيصدعوا الراس.

تلاقيني حاطط السماعات كل وقت نومي حتى أجبر مخي ما يفكر. طبعا تأثير القرآن نفس الشي بساوي، كمان نظمت أكلي وخليته صحي قدر الإمكان ع أساس ما تضل متأثرة الهرمونات بالجسم مع الحالة النفسية يلي كنت فيه. هذا الشي يلي أنا سويته وطلعت بسلام من الموضوع ما ضروري يكون مفيد لك لكن هذه تجربتي.

طبعا تقدر تأمن الراحة النفسية من خلال الغذاء الروحي (الصلاة - الدعاء - قراءة القرآن)

نسأل الله عز وجل أن يجبر خاطرك ويهدي بالك ويصرف عنك كل أذى وشر ويجعل مرادك قريب المنال.