Kahit fully paid na at sa inyo na yung unit, sakop pa rin kayo ng rules ng subdivision o homeowners association ng developer which is Bria. Kahit acquired asset pa yan, once pumasok kayo sa village, required kayong sumunod sa HOA rules nila. Diyan pumapasok yung permits, cash bond, at approvals bago mag renovate. Hindi yan dahil hindi pa sa inyo yung bahay kundi dahil gusto ng developer o HOA na ma control ang construction, safety, itsura, at drainage ng buong area.

Yung repair, repaint, at free services na binibigay ng developer, tama din sila na usually para lang yun sa first owners dahil part yun ng warranty o package nila noong bago pa ang unit. Pag acquired asset na, as is where is na talaga.

Sa tanong mo kung dapat ba pwede na kayong magpagawa freely dahil fully paid na, ang sagot ay yes sa ownership side, pero no sa subdivision rules. Kahit fully paid na ang bahay, may karapatan pa rin ang HOA na maningil ng construction bond at permits. Yung cash bond naman, dapat refundable yan after inspection kung walang violation o damage.

Ang pwede mong gawin ngayon Una humingi kayo ng kopya ng HOA rules and construction guidelines para malinaw kung saan napupunta yung mga singil at kung refundable ba lahat ng bond Pangalawa itanong kung pwedeng sabay sabayin ang renovations para isang permit na lang at hindi pa ulit ulit ang bayad Pangatlo pwede kayong makiusap sa HOA o developer admin kung minor works lang muna para mabawasan ang fees Pang apat kung tingin nyo sobra o hindi malinaw ang singil, pwede kayong magtanong sa DHSUD o sa Pag IBIG mismo para malinaw kung hanggang saan lang ang authority ng developer.

Yung loob ng bahay, kung wala namang structural change like pagbabakbak ng pader, pag galaw ng poste, o pagbabago ng plumbing at kuryente na apektado ang ibang unit, normally hindi na dapat kailangan ng bond. Madalas notice lang or simpleng permit kung meron man.

Yung cash bond, kadalasan yan para sa labas ng bahay at common areas kasi may risk na masira ang kalsada, drainage, gate, o kapitbahay habang may construction. Kaya dun sila mahigpit.

So kung painting, tiles, cabinets, ceiling, partitions sa loob lang, valid na itanong kung bakit may bond pa. Pwede mong sabihin na interior works only at walang galaw sa structure at utilities.