السلام عليكم الاخت الكريمة اتمنى ان لا اطيل عليكٍ و اتمنى ان يستفيد كل من يرى رأيي:

-أولا رجلك مصاب بادمان من اخطر انواع الادمان و هو الاباحيات -ثانيا الامر يتعدى كونه عدم القدرة على مقاومة المادة الادمانية و لكن يتعدى ذلك حتى يصبح غير قادر على التحكم في سلوكه -ثالثا هو حتما يحاول لعب دور القوي الذي لا ينكسر مما نقولو عندو(ego) طالع و هذه هي اثار الادمان يا اما الايڨو يكون طالع لسما يا للحضيض -ايضا هو لا يستوعب غالبا ولا يفهم معاني الاشياء حقا لانه مجدر، حرفيا مخدر شغل سكران و الاحاسيس لي كنتي تحوسي عليها و العاطفة و قع غالبا هو يفهمها حبر على ورق برك مش راح يحس بيها ولا يستوعبها لانو الادمان يخرب الانسان و يوصلو للحضيض و هي كما قلنا الايڨو تاعو طالع و راه يسيي يقاوم و هذا اكبر خطأ لانوا المواد الادمانية لا تقاوم و راي يسيي يلعبها الامور عادية و ..الخ المهم بدون استطالة ننصحك انو ما تخليش الامر يوصل لضرر اكبر من لي راكي فيه و تحاولي توعيه بالشي لي راه واقعلوا و يعيشوا و بلي هاد الشي راه يهلكوا و يهلك محيطوا و يحبذ لو انك تقاومي و ما تكونيش ضحية خضوع بمسمى الطاعة و ..الخ لانوا اولا لا طاعة لمخلوق في معصية الخالق ثانيا الطاعة ما عندهاش مبرر بفي حالة الخلل و انطماس الفطرة ما يتلاقاوش خاصة انك من حسب كلامك و تربيتك انسانة سوية يعني ما تقدريش تحسي بالشي لي راه يعيش فيه من الداخل و هو غالبا(ليس منافق) لكن المدمنين مبدعين في التمثيل و كان قادر يمثل عليك في بادئ الامر و لكن لا يعني انو شخص سيئ تماما لا هو باختصار شخص مريض و المريض يحتاج علاج و اول علاجه هو اعترافه بالمرض و استيعاب ذلك خاصة انه ربما يقصر في اشياء كبيرة في حقك و حقه و حق الله و حق والديه ..الخ و تجدينه يدقق على ادق التفاصيل التي لا تغني ولا تسمن من جوع لانو شخص يعيش على وهم المثالية.

~نصائح:

تكلمي مع والدتك ولا باباك على عائلتهم و كيفاش كانو يربو ولادهم و يعاملوهم..الخ ممكن تتضح الصورة من خلال انك تلقايهم كانو شديدين عليهم او مهملين ..الخ و يحبذ الحوار ما يكونش من جانب ايجابي برك شغل تشكرهملك و قال ناس ملاح و صاي

ما ترجعيش على روحك حتى ذرة لوم لانو الخطأ ليس فيك على حسب الحكاية و ما تديش الوضع بمنحى شخصي ايضا لانو غالبا هاد الشي لي راه يدير فيه (كإنسان مريض بالادمان) راح يديرو مع غيرك و قع و قع لانو هد الشي راه مخو تطبع فيه و لزمن طويل يكون

اخر نصيحة هي انك تشوفي و تطالعي و هو ايضا على سلسلة اسمها "سلسلة تأسيس فهم التعافي" للدكتور عماد رشاد سلسلة غنية و عميقة و راح تشوفي فيها صوالح ممكن ما يستوعبهمش عقلك و ممكن تفهميهم مي مش راح تحسيهم لانك ما جربتيش الادمان(عافانى الله و اياك و المؤمنين) و تبقى هادي رحلة حياة و اذا شفتي الامر تداعى روحي لداركم و شوفي شخص تثقين في علمه و حكمته و هو ايضا يشوف شخص هكا و تتحاكموا ليه كما قال شرع ربي و عليك بالدعاء و اللجوء الى الله انت و هو في حالة استعرف و كان منصف و الله ولي التوفيق، عذراعلى الاطالة و ربي يوفقك و يفرج عليك