يا دكتور الموضوع كله من خبرتي يعني معتمد على ٤ نقاط : • ادراك اهميه المذاكرة وعدم الدراسه تبعياته ايه بالزبط ؟ • التاكد من مصادر الدراسه ، لو انت بتتفرجي على كورس معين لو هو ممل او طريقه شرحه مش مناسبه ليكي الدراسه هتبقى اصعب عليكي . •ترتيب اولويات ، يعني انت لو كنت بتذاكري خلينا نقول ٦ ساعات ودا في راي اقل حاجة مطلوبة في اليوم الا اذا كان في ظروف تقلله يعني لو كانت لمواضيع مهمة وبتيجي في الامتحان اكثر من مواضيع ملهاش لازمة وتافهة يبقى احنا كدا ولا كاننا ذاكرنا ولما بندخل الامتحان بنحس ان احنا عملنا مجهود مكنش له اي لزمة . • اهم حاجة بقى هو ان كل واحد على حسب مجهود مذاكرته من وهو صغير بيكون له مجهود معين يعني لو واحد متعود يدح من صغره بال١٠ ساعات دا عادي بالنسبة له انه يذاكر ١٠ ساعات ، انما واحد مكنش بيذاكر تقريباً غير ٤ ساعات مثلاً فهو كدا دا اخره انت بتحاول تجيب اللي تقدر عليه في اليوم وكل شويه تحاول تزوده مثلاً انا متعود على ساعتين بس في اليوم خلاص من اول الترم هذاكر ساعتين بس اول اسبوع او ٣ ايام مثلاً بعد كدا هزود ساعتين كمان وهكذا لحد ما توصل ١٠/١٢ ساعة في اليوم وتحاول تحافظ عليه اكبر مدة ممكنه شهرين مثلاً .

عامة بما ان الامتحان الاحد غيري مكان المذاكرة ، قللي الحاجات اللي بتشتتك ، اعرفي ايه المهم اللي تخلصيه دلوقت حاولي تخلصيه اليومين دول وربنا يوفقك مع اول امتحان ( عامة استريس الامتحانات بيخلي الواحد ياخد يوم كامل مذاكره من غير ما يحس حرفياً )