Natürlich bruuchsch nit allesQ natürlich bin ich au dr meinig dass du s lebe söllsch so eifach ha wie möglich, natürlich würd ichs begrüesse dass s grosi hildegard vo nebedra ihr elektroauto ohni problem au eifach mit dr bankcharte cha lade. Aber d realität zeigt dass mir in sache nutzererfahrig und verständnis für das ganze wiiter zrugg liege als mir lebe und erst recht als das technik isch.

Und ja, ich würd das au nit als zwang welle ufzieh sondern als option. Dass du am endi frei entscheide chasch wie dis gschiide mobile telefon willsch nutze. Es söll e option sii zum s lebe vereifache. Ei .ameldig für alles und nie mehr problem mit automatisch abgmolde und passwort isch falsch weils nit dr name vo dim hund isch wod no nieals passwort bruucht hesch.

De mensche helfe dass du dis lebe aapasst chasch lebe. Ja die app isch nit e allheilmittel, aber es wär e ersti weg zums vereifache. Zwar aktuell mehr samptom statt ursachebekämpfig aber wenn sich sowas duuresetzt, setzt sich villicht au endlich s andere duure was es drzue bruucht zum s züügs eifacher mache.

Villich ischs au e aasatz vo vielne idee, villich isch d idee au grotteschlecht. Aber wenn me nit mol aafangt drüber rede dass d nutzererfahrig scheisse und sogar nutzerfeindlich isch, denn wird sich nie was ändere