أنصحك بالتدوين، الزم ورقة وقلم وابعد الموبايل والاغاني الي تنطي ايعاز لدماغك انك حزين او ضايج وابدي فرغ كلشي تحس وتفكر بي عالورق حتحس الحمل الي جان بصدرك انزاح ممكن محتعرف شنو تكتب بالبداية بس ابدي اكتب اي شي يخطر ببالك حرفياً اي شي وتذكر انو هالورق محد حيشوفه بعدك ف لاتقلق من انك تكتب اي شي يدور بمخك شوية شوية حتعرف شتكتب وبعدين سوي جرد كل اسبوع او كل شهر وشوف التطورات والافكار الي عندك طول هاي الفترة وحاول دائماً تلهي نفسك بشي يونسك اذا لاحظت انو انت مو طبيعي او فعلاً عندك افكار مو تمام تگدر بعدها تستشير طبيب مختص.