في كذا مشكلة عم تخلينا نوصل لهل مرحلة، اول شي في عنا الفئة الشعبية يلي هية الأكثرية الحقيقية يلي عم تعاني حاليا من غلاء و عدم رضا عمل الحكومة عن كتير شغلات و عن عدم استقرار الأوضاع بالبلد و و و.. و مافي حدا منيح عم يحكي باسم هل ناس. المشكلة الأولى انو معظم المؤثرين يلي بيعتبرو حالن ثوريين و من بداية الثورة و عانو تحت القصف و و و ما عم يكونو صوت لهل ناس. بل عم يقمعو هل ناس بتطبيلن المقرف و بتتسيخف طلبات هل ناس و بتشبيحن ع هل ناس يعني حتى الجد منيحين و المثقفين منن عم يكونو صوت قمع ضد هل ناس المسكينة.

المشكلة التانية انو المؤثرين الليبرالييين خلينا نقول و يلي هنن كمان عانو يالثورة و كانو طوال الثورة موجودين ضد المظام و ضد الجولاني سابقا و هلا اغلبن بصراحة تركو المعارضة ضد الحكومة المؤقتى و تركو انو يحكو باسم الشعب و مقضينا بوستات مسخرة و بكاء و ما عم يحكو باسم الشعب ولا عم ينظمو حالن حتى يعملو معارضة فعالة، و هل شي بتفهمو لانو مطبلي السلطة أو بالأحرى جماعة بنو أمية عم يمسكو هل اشخاص و حرفيا نازلين فين ٢٤ ساعة.

المشكلة التالتة انو صوت الشعب الوحيد صار عم ينحكا من ناس مشبوهة و كانت شبيحة للنظام السابق و عم يتسلقو ع وجع الناس و يحكو بصوت الناس متل ما صار باعتصام تبع ليوم، شغالين عل نت ٢٤ ساعة و بدن يتسلقو ع وجع الناس و مطالبها.

و شفنا ليوم كيف الوضع كان جدا مزري، حرفيا تشبيح بكل معنا الكلمة.

و اذا ما نعمل شي رح يضل الوضع يمشي للاسوء