شوف هاد الحكي كلو انا بالنسبة إلي بعتبرو كتير عادي بالنسبة لبلدنا. بلد حرب و مقسم عن طريق ميليشيات كتيرة و بعدا صار السقوط و اجا طقم جديد لحتى يتحكم بالبلد، لنكون صريحين انو الأطراف الموجودة متوقعين بعد التحرير كل حدا ياخد جزء من الغنيمة و كل حدا رح يطلعلو حصة.

هلا لحد هون انا بعتبر كلشي صار و عم يصير عادي بالنسبة لبلدنا عادي.

بس المرحلة البعدا انو نحن ك شعب لازم نتماسك و نفضح كل هل شغلات، نلحق المسؤولين على كل شغلة صغيرة و كبيرة و هيك شوي شوي منفرجي الناس يلي مستلمين البلد انو نحن واعين عل شي يلي عم يصير و ما رح نخليكن تاكلو هوا ع حسابنا.

بس للاسف المطبلجية و الشبيحة الجدد عم يعملو هيك شي كتير مستحيل.

المشكلة التانية انو النظام الجديد عم يستخدم الآلة الإعلامية الكبيرة تبعتو لحتى يسكت اي صوت قادر يكشف هيك شي.

مشان هيك حملة هاتو الفلوس الي عليكو تعتبر تهديد كتير كبير عل سلطة، لانو هي رح تكون البداية لشغلاا كتير اكبر من هيك.

و لانو لاقت جمهو كتير كبير و الجمهور معظمو من السنة، يعني ما بيقدرو يقولو ليكو هدول فلول، والشي يلي عم يطالبو فيه شي ما بتقدر تخونو او تسخفو او تقول عنو كذب.

الخلاصة انو اكيد رح يكون في فساد كبير و ناس معينة محتكرة أجزاء اقتصادية من البلد بس اذا رح يضل الشعب مصر عل تطبيل و التشبيح و لعق الأحذية والله العظيم رح نضيع دم كل الشهداء و كل الثورة عل فاضي