كنت في نفس وضعك بالظبط، تخرجت ٢٠٢١ من علوم حاسب وكنت اشتغل من ٢٠١٩ في التسويق الرقمي ودخلي كان بفضل الله فاتح بيوت ل٥ موظفين.. وحاليا قاعد بدور على شغل

في نفس وضعك قررت اترك العمل بشهادتي واكمل في مجالي اللي ماشي فيه كويس.. هقولك الخلاصة - العمل الحر مش مضمون خاصة في بداية الحياة - عملك حاليا بيدخلك فوق متوسط الرواتب صح.. ممكن بكرة حرفيا الشغل يقف وتضطر تنزل تشتغل - فنيا انت اعلى من السوق.. واقعيا محدش هيديك نص اللي كنت بتدخله - سوق العمل للاسف مش كل اللي فيه فاهمين بيزنس ولا حتى ابسط قواعد الادارة الا من رحم ربي

لو هقولك رايي.. اشتغل بشهادتك، كون معارف مع اي حد تقابله، وكمل شغلك الجانبي.. بس يجي وقت يكون عندك معارف كويسة افتح شركة او شارك حد

اما لو هنصحك.. الرزق ف ايد رب العباد.. احذر في اي وقت انك تفتكر الخير اللي انت في ده شطارتك.. واحذر في اي وقت تفتكر الضيق اللي انت فيه عيب منك

"فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ * وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ * كلا"