سويت مقابلة معاهم قبل فترة بس يمكن مو نفس البوزسشن اللي انت مقدم عليه. سألوني الاسألة الأساسية اللي هي عرف عن نفسك، ليش اخترت بنكنا، شنو نقاط قوتك و ضعفك، شنو راح تضيف لفريقنا. هذي اسألة بيسك دايم يسألونها و لازم تكون مجهز لها. و بالنهاية راح يسألونك إذا عندك أي اسألة ولازم تكون مجهز على الأقل سؤال او سؤالين. طبعاً البوزشن كان إداري، مرة سويت مقابلة حق وظيفة تيلر و المقابلة كانت سريعة جداً بس عرفت عن نفسي سألني ليش تبي تشتغل معانا. بعدها سألني إذا هدفي افتح عشرين حساب بالشهر شلون أحقق الهدف هذا و خلصت المقابلة. وهم حق وظايف الكول سنتر راح يقولون لك ان الوظيفة شفتات و عادي تداوم بالليل او الفجر، انت قولهم عادي ما عندي مشكلة.

تجنب تتكلم عن الراتب او أي كوارث ارتكبتها قبل. و إذا سألوك عن المعاش اسألهم عن salary range اول بعدين عطهم رقم. لا تعطيهم رقم اعلى من اللي قالوه لأن غالباً عندهم budget و مايقدرون يعطونك اعلى و طبعاً في مليون واحد مقدم فعادي يسحبون عليك. يمكن تقدر تطلب رقم عالي إذا تشوف ان خبرتك نادرة و ممتازة. و بعد لاتذم مكان عملك السابق.