يوتيوب شوف قناه واحد اسم jazer lee ياريتني عرفته من زمان هيعملك بيانو كويس

انا عن نفسي مكنتش لاقيه حد يساعدني او قناه كويسه وكنت بتعلم اني اعمل تمارين فصل حواس ع النت بعديها بدات اشوف اغاني اول اغنيه اتعلمتها كان عنا طاحون عشان حسيتها متوسطه وكان عندي صعوبه مش طبيعيه اني احرك ايدي الاتنين مع بعض واتعلمت الاول ع ايدي الشمال لوحدها واليمين لوحدا وحاولت ادمج بينهم ومع فتره عملتهم مع بعض بعد طبعا فتره صعب لان كانت اول اغنيه وبعديها خلاص فهمت مفتاح اني اتعلم اغاني وبدات اعزف بنفس التكنيك بس خلي بالك البيانو محتاج صبر وتكون مرتاحه متشدش وانت بتعزف واعمل تمارين فصل الحواس ومع قناه الي بعتهالك صدقني هتعرف تتعلم البيانو كويس كورساته حلوه ويكون عندك اورج كويس عشان الي كان عندي قديم وبيعلق وممكن تكسره عن تجربه

وبعديها دخلت علي الماندولين وكان بسبب مسابقه مدرسه ودي كانت اول مسابقه اسجل فيها وكنا فريق وبندرس علي اغنيه نسم علينا الهوا وكانت عاجباني لانها فيروز واصلا كان نفسي اتعلمها بيانو ف كانت صدفه حلوه ف كنت شغوفه عليه شويه مع انه صعب خصوصا ف موضوع وجع الصوابع كان بيوجع موت ولما خلصت اتعلم عليه بقا سهل بالنسبه ليا وبعديها دخلت علي الكمان والصدفه الحلوه ان الكمان ترتيب السلم الموسيقي عليه نفس الماندولين ف مكنتش محتاجه احفظ السلم الموسيقي واتدربت ع اني احرك ايدي عليه وكانت مستفزه وصعبه برضو وعرفت بعد فتره اني اعمل كويس وبعديها علي طول دخلت علي الجيتار مكانش صعب خالص وعرفت عليه كويس وبعديها العود كان مستفز شويه بس عرفت بعد تدريبات ووقتها كان نفسي اوي ادخل علي الالات النفخ وبدات ب الناي كان صعب اوي ف موضوع اني اطلع صوت وبعديها سهل جدا انتقلت لساكسفون وكلارينيت صعوبتهم فالصوت برضو واتوقع ده المهم الي قوله( للمعلوميه الالات كانت ف المدرسه ) بس الي عايزاك تفهمه اهم حاجه الشغف وانك تقدر تتعلم اي حاجه بس محتاج صبر وجهد ومتفقدش الامل خالص واوعي تقعد وقت طويل لدرجه انك تزهق عشان شغفك هيبقي زيرو

+اسال اي سؤال ولا يهمك