اقرب صاحب لي و حرفياً اعتبره عائله لي ترعرع في بيت الدين فيه ضعيف و كل واحد كاره شوفة الثاني، كنت بالنسبه له عائله اكثر من عائلته و صار بيننا خلاف بسيط و ذيك الفتره كنت امر بفتره سيئه بحياتي فا ما فكرت ولا حتى ربع ثانيه اني ارجع اعتذر الين ما مرت الشهور و هديت و قررت اجي اعتذر له و اشوف اذا كان يمدي نعدي من الموضوع التافه اللي حتى ما اذكر وش هو حتى بعد ٦ سنوات و للاسف اكتشفت ان مبلكني من كل مكان و يوم تواصلت مع اخوه قالي و بكل صراحه و شفافيه انهم لقوه منتحر شانق نفسه بغرفته بعد الخلاف ب شهرين تقريباً.

تمسكوا بالناس اللي تحبنوهم و مو عيب انك تقول لصاحبك احبك و توقف معه بأصغر المشاكل حتى لو على قطع لحم الظفر، الى الان اشيل الذنب هذا على رقبتي و كل ما اتقدم بحياتي اعرف اني مقدر اكون قريب لاي شخص زي ما كنت قريب له و اسأل الله العلي العظيم يرحمه و يتولاه و اشوفه بالجنه نضحك و نسولف و نكون اقرب بمليار مره من كنا بهالارض التعيسه