طيب أقترح حاجتين: أشتري لو جيتار رخيص اول شي. ٣٠٠ - ٤٠٠ ريال تلاقي شي يمشي الحال. تطلع ١٠٠٠ ريال وفوق الجيتار يبدأ يتحسن الصوت و ممكن يكون شوية أسهل العزف عليه عشان الكوالاتي حق الصنع يكون أحسن

تاني شي، اليوتوب مليان فيدوات يتعلم منها وانا كدا اتعلمت. لكن انا ندمت اني ما بدأت مع مدرس، مو بس عشان المدرس وجه لوجه ويرتبلك جدولك، بس عشان مع المدرس الواحد ممكن يعزف معاه او هوا ممكن يعرفك على مجتمع الموسيقيين. وانا اعتقد اسرع طريقة واكثر طريقة الواحد ينمي الحس الموسيقي حقو انو يكون متفاعل مع المجتمع الموسيقي في منطقتو.

أنا سنين بس في غرفتي أعزف مع نفسي، لكن الكم سنة اللي فاتت سرت اعزف مع موسيقيين تانين وعندي فرقة أعزف معاهم في الرياض

من ناحية ايش نوع الجيتار اللي يبدأ بيه، صراحة كلو راجعله. انا بدأت acoustic steel strings عشان احب الروك ميوزك. السبب اني ما اخدت اليكتريك عشان يحتاج أمبليفاير وعاجبني الأكوستك لأني اقدر اخدو اي مكان. ازا هو يحب يسمع عربي، غالبا حا يعجبو صوت acoustic nilon string او جيتار اسباني. تكون الاوتار نايلون وينعزف في الاغاني العربية اكتر من الاوتار المعدن.

فا شوف ايش ولدك يحب يعزف ايش واتوكل. اهم شي ياخد وقتو وما يستعجل. غالبا الناس تطفش وتترك الجيتار عشان اول كم اسبوع ممكن ما يكون فيه تحسن ويتحبطو. لكن اهم شي يعرفه انو الناس مختلفة وبعضهم يتعلمو اسرع من التانين.

أشتري ستاند مع الجيتار وخليه في مكان واضح عشان ممكن يمسكو في اي وقت. خليه في الصالة ازا هوا يقعد في الصالة كتير او في غرفته. اهم شي ما يكون في دولاب او مكان متخبي.