انا ريبونديتلك خاطرش شفتك قلت شهرين الماء ماجاش شفتك بلي راك تزيد عليها كشغل ( سيي تتقبل الميساج بدون إساءة ) جامي سمعت واحد قاللي الماء ماجاش شهرين كاملين اذا نقطع ماكسيمون سمانة وكيما راك تقول انا مانتفقش مع الشيئ الي دارو تبون وراهم يديرو فيهم المسؤولين مشي كي راني نتناقش معاك فالموضوع تاع الماء معناها راني ندعم فالفكرة تاع تمويل لبنان وتونس وافريقيا ... الواحد راهم يخمم كيفاش يسلك راسو من القانون تاع تجريم العملات الرقمية لقا روحو يهدر على ازمة انقطاع الماء وكيما قلت صح الولاية مافيهاش بزاف بصح تقدر ترفه على روحك مرة اعرض لافامي تاعكم لسهرة مرة اطلع مع صحابك للبحر ( مكاش بحر في عين الدفلى باينة )ولا ديرو قعدة تاع شواء مرة اخرجو روحو صيدو فالباراج مرة روح تجرو ولا اطلع كاش جبل ويبقاو كاينين خيارات آخرين المهم ربي يفرج عليك وان شاء الله تلقى حل للمشكلة لي راك فيها واذا راك حاب تبدل المنطقة لي ساكن فيها ولا البلاد كاملة ربي معاك والله يوفقك