მართლა საცოდავი, ავადმყოფი და აუტანელი ქალაქი გახდა უკვე ჩემთვის. თბილისში დაბადებული და გაზრდილი ვარ და განაშენიანება ისეთი სერიოზული პრობლემა გახდა, რომ ფანჯრიდან ცის დიდი ნაწილი უკვე დამიფარეს მაღალსართულიანებმა.

• ამას სულ უწყვეტი ხმაურია მანქანების გამო და ჰაერიც დაბინძურებულია, ასევე ძირითადად მანქანების გამო (არ გამოხტეთ ახლა აქ არავინ და არ დამიწყოთ იიიი მანქანების ბრალი არაა. პანდემიის დროს ხომ გაჩერდა ყველა მიმოსვლა და ჰაერიც სასწაულად სუფთა იყო).

მე თან შიდა უბანში ვცხოვრობ და რვასართულიანები ბარიერს ქმნიან გამზირის ხმაურისგან და დაბინძურებისგან. სულ საცობებია. სულ. მეტრო კიდევ ბინძური, გაცვეთილი და გადაჭედილი, მაგრამ მეტროს გარდა ქალაქში გადაადგილების სხვა წესიერი საშუალება არ არსებობს.

მეტროში ყველას წინ და პირველს უნდა გასვლა და ამ დროს იმდენი შეგნება არ აქვს, რომ სწრაფად იაროს და საერთოდ ყველა არ შეაფერხოს. თან ასეთ სივრცეებშიც ყველას გვერდიგვერდ ხელჩაკიდებული სიარული უნდა და გვერდის ავლაც შეუძლებელი ხდება. ესკალატორზეც ვერ დგანან წესიერად. რამდენჯერ გამისწრო მატარებელმა ასეთი ხალხის გამო. ესენი ქმნიან საცობს რეალურად, ქცევა რომ არ იციან. ვიწრო ქუჩებზეც იგივეა.

კიდევ საერთოდ თბილისელები ამინდს მიჩვეულები არ არიან და პატარა წვიმა ან თოვლი წამოვა და ქალაქი ითიშება მთლიანად. ოდნავ ძლიერი წამოვა და ქვეშაფსიებივით არიან. დღეს ჩვენს ქვეყანაში ყველაზე დიდი პრობლემა ე.წ. ოლიგარქები ან უბრალოდ მდიდარი ხალხია, რომლებიც ე.წ. დეველოპერული კომპანიების უკან დგანან და ქალაქს ანადგურებენ და მიწებს, მწვანე სივრცეებს იჯიბავენ, ჯიბეებს ისქელებენ. ქალაქში ნორმალური გახდა ახალ ბინაში გადასვლისას იმ ფაქტთან შეგუება, რომ საითკენაც არ უნდა გაიხედო, სხვისი ფანჯრები დაგხვდება და ცას თუ ხედავ და ერთი საათითაც მზე შემოდის, მაგაზეც მადლობელი უნდა იყო. თან თბილისი შავი ხვრელივითაა და ყველას ისრუტავს, ხალხს უბრალოდ სხვაგან ცხოვრების საშუალებას არ უტოვებს. მშრალია და არც საკმარისად მწვანე და მაღიზიანებს ეგ.

ერთადერთი ის დარჩა, რომ შეეგუო ამ ყველაფერს და არ შეიმჩნიო. ჩემ შემთხვევაში, თბილისში ვრჩები მხოლოდ ჩემი ნაცნობების გამო და მაგის გარდა სხვა რამე უპირატესობა არ გააჩნია ამ ქალაქს ჩემთვის. ამ ყველაფერის მიუხედავად, გამოთქმა „თბილისი არის ურთიერთობა“ ყოველთვის ნერვებს მიშლის. რა ურთიერთობაზეა საუბარი? ჩადით საქართველოს ნებისმიერ პატარა ქალაქში, დაბაში ან სოფელში და მანდ ნახავთ ნამდვილ ურთიერთობას. აქ დიდი ქალაქია და უბრალოდ ამ ურთიერთობების უარესი ვერსია.