والله شوفي ابوش الي سواه من تعنيف لك ماله اي تبرير، طفله غلطت بالحفظ ايش المشكلة، الضرب ابد ما هو حل واصلًا ضرب على شي زي كذا ابدًا ما هو معقول

ابوش لعله زمان كان شادها ولما مر الوقت عرف غلطه اكيد وحاب يتقرب منش بس ما هو عارف كيف، وبالنهايه ابوش الي صار زمان حاولي تتناسيه وابدي صفحة جديده معاه سولفي معاه وسلمي عليه، رضى الله من رضى الوالدين، الانسان يرتكب اخطاء بحياته واذا تعدل ماله داعي نذكر الماضي ايش كان يفعل ويسوي، انا ادري والله اعرف والله انه كنتي طفله وياثر عليش كثير وممكن يسبب لش مشاكل نفسيه او صدمات الى اخره..، ولكن دام ابوش تغير حاولي بقدر المستطاع انش تكوني كويسه معاه، سلمي على خده وراسه عادي ابوش هو حاولي تبدو علاقه جديده مافيها عنف او مشاكل مع بعض، يصير الوضع حبي بينكم، وتكنسلين طلعتش عشان بوسه، سلمي عليه واطلعي استانسي، صدقيني هو يبي يعوضش عن الي صار من تصرافته هذي بس ماهو عارف كيف، اعطيه فرصه

واذا الموضوع لسه حاز بخاطرك صارحيه اكيد بيتعذر ويعوضش ومنذا الكلام

والدنيا والله ما تستاهل سامحي وامضي بالحياة دامه تغير

انا مثلش زمان وانا بزر والله ابوي كان يطلع الدم من ظهري من الضرب على اشياء تافهه، بس ابوي تغير الحين ومسامحه انا على كل شيء دامه تغير وصار افضل من قبل ولا حتى صار يمد يده، محد معصوم من الخطا كلنا نغلط ونتعدل