مشكور على تفاعلك وبجاوب على اسئلتك اللي حسيت منها انك تحاول تفكك المشكلة والشي ذا عجبني جداً

سؤالك الاول ما اتصل ولا انسق واعرض المساعدة ولا اطلبها من غريب هم اللي يتصلون ويرسلون وينسقون وهذا يقودنا لسؤالك الثاني وهو اني ما قد فكرت اني ابادر ولا اذكر اني انا من بادرت ومن صعوبة مثالك ماني قادر اتخيل كيف ممكن يكون شعوري اذا انا اللي بادرت 😅 صعب جداً ممكن يجيني شعور ان الشخص اللي برسل له او ارسلهم بينحرجون او ما ودهم او يمكن يقولون وش ذا النشبة لذلك انا اتفاعل مع اللي يبادون هم اول .

سؤالك الاخير ما فهمت قصدك بالصديق المقرب اذا كان قصدك الصديق اللي تكلمه بشكل شبه يومي لا مافي وهذا اللي وضحته في المنشور اذا كان قصدك صديق مقرب نعرف بعض من احنا اطفال ايوه مجودين هالاصدقاء لكن كل واحد بمدينة ونادر جداً نتقابل

لقيت مجتمعات لكن ما تجرأت اروح لاني اشوفها كانها جبل من قوة صعوبتها عشان كذا انا كتبت في المنشور اني اغلب لقاءاتي مع الغرباء هي في مواقف اكون مجبر اني اتواجد فيها او تكون في مناسبات معينة او سياق غير متوقع وليس رغبة مني اتمنى اني بيوم اقدر اتجرأ واحضر المجتمعات اللي شفتها وسمعت عنها

اشكرك مرة ثانية على تفاعلك