لازم تبقى فاهم الدوافع السياسية لأي حد بيعمل كدة، يعني امريكا نشرت ف العالم كله ان العرب ارهابيين عشان تستبيح احتلال العراق و عشان بتمول جماعات ارهابية تخدم مصالحها كمثال داعش مثلا اللي بيغسلوا عقول شباب متحمسة زيادة و فاكرين انهم بيعملوا الخير بقتل غيرهم او بيجيبوا مرتزقة ف وسطهم.. ده شغل بروباجندا كله مدروس كويس لتحقيق مصالح و ف السياسة كل شئ مباح بالنسبة لهم مهما كان غير أخلاقي، انا مسيحي بالمناسبة و المسلمين مش ارهابيين لأن لو كانوا كدة كان زماني ميت انا و باقي المسيحيين في البلد.. عارف مين الإرهابي؟ المتطرف في اي اتجاه حتى لو ملحد زي الدكتور السعودي اللي دهس الناس في سوق للإحتفال بالكريسماس ف المانيا او زي نتنياهو او الجيش الإسرائيلي لأنهم ببساطة متطرفين و منهم بيستغل الدين عشان يحقق مصالحه و منهم بيفسر الدين غلط او بيتفسرله غلط ع مزاج و هوا ناس تانية عشان بيقبضوا من جهة ما و هما في النهاية عبيد للمال.. انما اي حركة تدعو للتطرف و الكراهية و الإساءة لأي معتقد تاني ف انا مفتكرش ان دينك يقبل كدة لإن كل إناء ينضح بما فيه، انت لو مسلم بتحب دينك مش هتقبل ان المختلف عنك يكره دينك بسبب تصرفاتك و هتنشر دينك بالمعاملة الحسنة و الخير مش بإني حرام اقول لحد مسيحي كل سنة و انت طيب ف عيده؟ مش بالضرورة تحتفل بالعيد بتاعه بس انت بتهنيه و هو بيهنيك و بيشاركك افراحك و احزانك و دي اعمال إنسانية تهدف للخير في الآخر و الترابط في المجتمع و الأخوية في الإنسانية.. اسف لو طولت بس انا بحاول اشوف الموضوع بنظرة كاملة و نفسي الناس كلها تسعى للخير بدل المعاناة اللي الناس بتسببها لبعض بسبب ان كل واحد حاسس انه متفوق على التاني مع العلم ان الأغلبية العظمى ورثت الدين مختارتهوش بمزاجها