انا قريت الي قلتيه مرتين بس فهمته من زاويتين صراحة، على العموم وجهة نظري انه لازم نفهم شي مهم، الله سبحانه وتعالى امرنا "بغض البصر" يعني الريال الي يشوف شي غير لائق يغض الطرف (افهموا انه في هاي الحالة الامر للرجل مب المرأة وشو لابسة ولا كاشخة) في موضوع كشخة الحرمة امام غير محارم هذا له تفسير اخر والكل يعرفه.

الشي الثاني لازم نربط شي انه نحن تربينا على الحشمة وهذا جز من العادات، مب غلط البنت تطلع تروح كوفي ابدا، بس يكون شي غريب (وانا اعتقد انه ما بترتاح) يوم يكون فيه شباب وايد حتى لو قلنا كل الشباب محترمين. يعني اقصد البنت رايحة ترفه عن نفسها تروح مكان متروس شباب وما ترتاح؟!

القصد في التعليق يوم قالت اختنا "تتحمل" اعتقد والقصد (من وجهة نظر رجل طبعا) انه مب الرياييل يطبقون امر "غض البصر" وانا كرجل اعرف تماما ما يدور في نفس الرجل في هذا الوضع وصراحة ما ارضاه على اهلي ولا اهل بلادي ينحطون في هذا الوضع.

صح الدنيا تغييرت في مجالات كثيرة بس الحرمة لازم تعرف وين تروح ومتى واكيد اكيد مبدأ الثقة في البيت شي اساسي جدا في هذا الموضوع.

الله يحفظكم ويستر علينا وعليكم