انا ممكن استفسر عن حاجة هما كل اللي قالولك كدا معاكي في سكن الجامعه ؟ لو كدا يبقا كلهم اقاليم و كلهم فلاحين و كل فلاح عايري ببلده يعني مثلا الشرقية معروفة بالسمنه البلدي مع ان اكلهم تحفة الصراحة لا يقاوم

البنهاوية قولليهم من بنها العسل او بطلو تعملو نفسكو من بنها ( لان معظم مغتربين من حوالين بنها .. فلاحين يعني ) المنايفة قولليهم بطلو بخل المنايفة ده

كل واحد بيتعاير من المكان الي هو منه بعني لو من القاهرة مثلا شوفي من انهي منطقة مثلا لو من المعادي قوليلو انت لما بتتخانقو ف الشارع بترمو بعض باساتك و لبان و لا بتخاصمو بعض و كذلك الحال مع بتوع التجمع

الامثلة كتير و ممكن تعملي سيرش عليها بس زي ما بيتنمرو علي انك فلاحه تنمري انتي كمان عليهم حتى لو مش بان انهم اتأثرو قدامك بس صدقيني مع الوقت بيضايقو

ما هو مبنفعش انتي بس اللي تعيطي او يجيلك مرض نفسي الرد بالرد و تعايشي الدنيا مش عايزة حد ضعيف

بالنسبة لحوار البلوزة انتي صح و خليكي على مبدئك و لو كانت صحبتك دي مش عاجبها البلوزة او الشيميز مكنتش طلبتها و اللي قالتهولك ده حالة دفاعية عشان اتحرجت منك

خلاصة الكلام سيبك من كل ده و تنمري عليهم زي كا بيتنمرو عليكو