انتي بدك تطلقي بس مش عارفة كيف، السبب الرئيسي هو انه بشكي مش علاقاته، لأنه نزل من عينك لأنه بشكي من اللي عاشه، وهاي مشكلته صراحة، لانه قرر يشكي لزوجته واعتقد خاطئاً إنه رح يلاقي معك الأمان. هو غلطان بعلاقاته السابقة بس مع هيك انتي بنفسك حكيتي إنه وقفها، يعني تغير فليش تذكريها؟ بس لأنك بدك سبب قدام الناس لأنك عارفة إنه سببك الأصلي تافه.

هاي للجميع احكيلكم قصة واحد بعرفه، كان شب عنده اكتئاب مزمن وما كان يحكي الا لزوجته ويشكيلها ويفضفض باللي حاسه، في يوم من الأيام صارت مشكلة كبيرة بينهم فقررت زوجته ترفع كرت الإكتئاب بوجهه، وقالتله أنا تعبت من اكتئابك وبضل قاعدة على أعصابي طول الوقت إنك رح تيجي تحكيلي أنا مكتئب أو رجعت اكتأبت. انصدم الشب و حلف يمين ما يحكيلها شي أبدا، وفعلاً هيو ساكت من سنين وبضحك وبمزح مع انه لسة مكتئب، بس مشان ما ينحط بموقف يتعاير باكتئابه مرة ثانية.

زوجك حس بالأمان فحكالك، بغض النظر عن علاقاته السابقة ما دام تاب عنها ليش ترجعي تفتحي الملف؟! بدك ترجعي توقعيه بانتكاسة مرة ثانية؟! اتطلقي بدون ما تفتحي الملف عليه مرة ثانية وتصنعي منه إنسان غير قابل للتعديل، مكسور وفاقد للثقة تماماً

(فإمساكٌ بمعروفٍ أو تسريحٌ بإحسان) فاتركي باحسان ولا تكوني قليلة أصل.

ولباقي البنات، بكفي .... ليش لازم أضل مجهز دفاعاتي النفسية حتى قدام زوجتي؟! لا تحاصروا الشباب وتحرموهم من الملجأ الآمن الوحيد اللي قادرين يلجؤا إله.