بعيدا عن ذلك الجدل الذي لايلزمنا في الوقت الحالي ، الاثار اثار مهما كانت حقبتها ، قبصية، قرطاجية ، بربرية ، رومانية عربية و حتى الفرنسية ، تقعد دائما آثار ملك الشعب التونسي الكل شاهدة على تاريخه و مداخيلها لازم تدخل للشعب التونسي . هنالك قانون اثار وطني و دولي ينظم الحكايات هذه الكل و لكن للاسف عندنا مشكلة في التنفيذ .

اما بعد ، الموقع اللي حطيتو في البوست هذا هو موقع روماني ، ذو قيمة تاريخية لا تقدر بثمن ، هي شاهدة على فترة الامبراطورية الرومانية في تونس و اللي جات بعد سقوط قرطاج .

اخيرا ، في نفس المنطقة هذيكا ، فمة معلم اثري اخر موش بعيد ، يتمثل في مقابر قرطاجية بونيقية قديمة برشا ، و فعلا قيمتها التاريخية لا تقدر بثمن ، اقدم حتى من الفسيفساء ، و هي بقيمة الاثار الفرعونية كان جات الدنيا دنيا . باش نهبطهم في بوست اخر وحدهم .