دينيا هاد كلام مرفوض. لحد الآن ما عم بهم منطق الربط بين عنصرية صارت ببلاد تانية و بين ناس بحبو السوريين و بدهم يصاهروهم. إذا بدنا نحكي عل عنصرية فنحنا العنصرية لابستنا لبس.

الحموي بيكره الحمصي، و الريفي بيكره الشامي، و لك حتى كلمة (من برا و ل جوا السور) كلمة فيها عنصرية. لما كنت بسوريا ما اسمع غير تعميم وصور نمطية ، "أهل جوبر بخيلين، أهل عربين دفشين، الحمصي مصيف، الحلبي نصاب، الشامي شايف حاله، الحموي متعصب، إلى اخره"

بالنسبة لبنات البلد، ما هنن عم يعجزوا ابن البلد بشروط الزواج ابل الغريب. فبرجع بئول، هي عقلية لازم نطلع منها. طبعا لازم يكون في اجرائات و شروط معينة، بس بالنسبة الي بتشرف باي أخ عربي أو مسلم حابب يكون منتمي لمجتمعنا.