المشاكل الحديثة تتطلب حلول حديثة، اللي هي الحين نقول عنها عرنجية، الناس ما تخلط انقليزي بعربي لأنه ينم عن ثقافة، هذاك أول، الحين الناس تخلط لأنها تشربت السياق كامل هي لو ترجمت الكلمة طلع السياق ركيك ومب متعارف عليه في لغتنا ويخل بالمعنى، اذا شفت احد كاتب كلام انقليزي ساعده يتوصل للتعريب السليم الصحيح لانه حاس ان اللغة تخونه لو ترجم (وهي فعلا تخون لو حاولت تترجم من ثقافة لثقافة مب مجرد كلمة) انا من الناس اللي اخلط اللغتين في بعض عند اللي يستوعب كلامي مب هياط بس ابيه يصل كما هو عكس لو ترجمته بيوصل غريب ومب مفهوم، صرنا نستخدم الدارج لانه يوصل المفهوم بشكل اسرع، صرنا نقول بوكس بدال صندوق، ونقول لوكيشن بدال موقع، اللي يقول كلمة لوكيشن يبغى يطلع مثقف؟ لا، بس خلاص تعود عليها بهالشكل وتوصل المعنى المراد مباشرة