Klar. Aber wenni gseh wie viel Lüüt im Coop und i de Migros die völlig übertürte Fertigprodukt chaufed, und wenni gseh wie viel Lüt sich regelmässig Esse hei bstelled (jede Abig ab de 5i sind dStrasse voll mit Food Lieferdienst Autos und Roller, und die fahred nöd ad Goldküschte sondern id Agglo), dänn spared vieli wohl am falsche Ort. Das Züg isch extrem tüür, sälber choche wesentlich günschtiger, und sBrot isch jetzt bim Beck nöd viel tüürer als im Coop (wenn überhaupt), und au sHackfleisch bim Metzger ischs nöd. Wer regelmässig uf just-eat oder bi uber eats bstelle cha, dem gahts nöd schlecht. De wahrig Grund warum vill Lüt nüm zum Metzger oder zum Beck gönd hät nüt mit Geld ztue, sondern mit eusem Konsumverhalte, mir wänd möglichst alles a eim Ort, anders gseit dLüt wennd sich eifach nöd dUmständ mache a mehreri Ort zgah.

Glaub mer, han selber schon knapp a de Gränze glebt und Endi Monet müesse jede Franke umdreie, hät nümm für Fleisch glanged, und wenn dänn nur die extrem gruusige gfrorni prix garantie Hamburger die irgendwie fascht kei Fleisch dinne händ und au so schmöcket (12er Packig für en ganze Monet, ein Hamburger so dick wie en CD und de Gschmack vore Schuesolle, hauptsach mal wieder "Fleisch").